Über mi

Hoi zäme, i bi dr Pumpelpitz.

Pumpelpitz der Waldkobold

I bi e nachtaktive Waudkobold u wohne ganz höch obe ufem Wisseschtei i mire gmüetliche Höhli. Grad näbe mir wohnt mi dickscht Fründ, dr „Mampf-Fred„. Dr Mampf-Fred dänkt dr liebläng Tag nume a ds Ässe, är chochet sehr gärn u vorauem viu. Aber uf ihn chani mi ächt verlah. Är isch bi au mine Abentür derbi u steit immer treu a mire Site. U das chani o guet bruche, wüu är isch e würkli guete Handwärker!

I ha e 4-Jährige Sohn, dr „Pumpi„. Är explodiert fasch vor luter Ideene u Tatedrang!.

I beschütze jedi Nacht die ganzi Stadt Solothurn und ihri Umgäbig. Vor auem Chind, wo allei pfuse. Wüu die Chind, wo bim Mami oder em Papi schlafe bruche mini Hiuf ja nid, die si scho beschtens beschützt!
Dasi vom Wisseschtei nid jedi Nacht mues abe loufe, hani zäme mit mine Fründe extra e längi, unsichtbari Rutschbahn bout. Uf dere chani imne Hölletempo diräkt uf Solothurn abe suuse (Hie chasch mitritte…).

Mini liebi Frau „Pumpelpitzine“ wohnt leider nid bi üs ufem Wisseschtei. Sie isch drum e Königin vomene angere Waldkoboldevolk u muess ihres Riich vor verwilderte Sumpf-Trollherden beschütze. Sie chunnt aber jedes Jahr a Wiehnachte üs cho bsueche. Meh zu ihre erfahrsch du uf der zweite CD „Pumpelpitz ufem Holzweg“.

När si da no die zwöi Gspängschtli „Tschibi“ und „Tschuppi“ u d`Burehofchatz „Wulleböueli„.

Aber z`viu wotti de glich nid verrate. Am beschte losisch eifach mini CD`s.
Wed die no nid hesch, chasch se HIE poschte.

Ganz viu Spass
Di Schriftzug Pumpelpitz